藥膳養生包

肥媽教授

1. 先把奶倒進酵母(依士), 再把糖, 泡打粉(發粉)一齊倒落麵粉裡, 然後攪拌,拌勻後倒起枱面.
2. 在中間整一個窿, (記住唔好落油先,唔係好難發酵)把酵母拌勻再倒入粉圈內, 由外堆入內方式攪勻, 掃開再堆埋一齊, 跟住又係中間開窿, 逐少逐少放牛奶, 堆勻至變糰.
3. 成糰後用手搓勻, 攤平放少許油, 向自己方向捲埋, 再搓至15-20分鐘, 平滑後, 在碗放些麵粉, 放入麵糰用鮮紙包好, 再用濕毛巾蓋住待45分鐘.
4. 做餡: 杞子, 淮山(切粒), 雲耳(切粒), 開鑊落"麻"油, 炒淮山至"近"乾水, 再放雲耳抄乾, 最後放杞子(前先用水洗過), 炒勻至倒乾, 放胡椒粉(不喜歡可不放), 鹽, 菇粉(不喜歡可不放).
5. 發酵好的粉糰, 放上枱灑粉, 將佢推壓, 壓出空氣, 再把粉糰捲成條狀, 切成12分.
6. 每分先搓扁佢. 邊皮要"薄", 芯要"厚", 放在手花托住, 加入餡料, 用匙羹餡料壓實. 像餃子式埋口
7. 鍋沸水, 大火蒸約12至15分鐘即成.

溫馨提示:

淮山千萬不要直接用手刨, 一定要戴手套, 如果手癢時用鹽, 否則會令手敏感痕癢.