香辣深圳雞煲

做法係全程係瓦煲生炒,至完成所以特別乾身...同香!!
1) 雞一隻斬件,先用頭抽,糖,紹酒,麻油,少少生粉醃好
2)瓦煲爆香蒜頭,蔥白,落雞生炒至5成
3)落花椒,八角,辣椒干炒至香味四溢,灒酒...加蓋焗5 分鐘
4)加柱候醬2湯匙,甜醬3/4湯匙,蒜蓉辣醬3/4湯匙炒香至8成,加芫茜3/4炒香加蓋焗
5)落少許孜然粉,(有需要可加少少鹽,糖吊味,因本身 已經好濃味)加洋蔥炒至全熟....最後加1/4芫茜,唐糖芹兜炒....汁多就埋獻即成!!
全程生炒...小心痴底同濃!!